كيف تنجح في مقابلة عمل
💼 كيفاش تنجح فأي مقابلة عمل "Entretien d’embauche"؟
الأغلبية فينا فاش كايمشي يدوز شي "Entretien d’embauche" كايسطريسي بزاف، كايتلف وما كايعرف مايسبق ولا يوخر.. علاش؟ حيت داير فبالو بلي غادي يتقابل معا مسؤول كبير وخاصو يبان واعر بزاف باش يقنعو، تايصدق مكحلها.
فحين أن المقابلة مجرد حوار بين شخصين مهنيين، ماشي استجواب ولا محاكمة. مقابلة العمل ببساطة هي فرصة تواصل، خاصك تكون مرتاح وتخلي الثقة هي المفتاح.
🎯 التحضير قبل المقابلة
قبل أي مقابلة، خاصك توجد راسك مزيان وتراجع كل كلمة في CV ديالك. لأن أي حاجة مكتوبة فيه غادي يسولك عليها الـ Recruteur، وخصك تكون مستعد تجاوب بثقة وتبين القيمة ديالها.
وتفادى الأخطاء الشائعة بحال قسم "Loisirs" أو "Centre d’intérêts" اللي ما كيعطيش قيمة كبيرة إلا إلا ربطتو بحاجة عندها علاقة مباشرة بالمنصب لي راك دافع ليه.
💡 كيفاش تجاوب بطريقة ذكية؟
استعمل تقنية STAR باش تجاوب على الأسئلة المهنية:
- 🟢 S = Situation : شنو كانت الحالة أو السياق
- 🟢 T = Travail : شنو كانت المهمة ديالك
- 🟢 A = Action : شنو درتي بالتحديد
- 🟢 R = Résultat : شنو كانت النتيجة أو الإضافة لي درتيها
🚀 جاك السؤال "علاش دافع عندنا؟"
هنا خدم تقنية PPF باش تجاوب باحترافية:
- 🟩 P = Passé : تكلم على التجارب السابقة ديالك
- 🟩 P = Présent : شنو كدير دابا وكيفاش تطورت
- 🟩 F = Futur : بين شنو تقدر تضيف للشركة
🤝 الروابط المهمة داخل المقابلة
حاول تربط بين كل حاجة في CV ديالك وبين متطلبات الشركة. هكذا غادي تبين عندك الاحترافية و الذكاء في التواصل، وغادي تخلي انطباع قوي عند الـ Recruteur.
